Christel Alsos – Loved Songs Tour

Christel Alsos har ei heilt unik stemme og formidlingsevne. Eit særpreg som er like tydelie anten Alsos framfører eigenskrivne eller andre sine låtar. Og som kjennast i margen og gir deg gåsehud når du får oppleve og høyre det live. Vinteren 2025 pakkar ho gitaren og harpa, og reiser landet rundt for å utforske personlege musikalske variasjonar og nyansar saman med sin fabelaktige pianist Andreas Vold Løwe.  Med mindre å gøyme seg bak blir dette ei hudlaus tilnærming til hennar eigne favorittar i låtkatalogen og songar ho lånar av andre. Ei slags personlig songbok for 2025 som ho ønskjer å dele med publikum. I tillegg røpar artisten at det også blir nokre eksklusive smakebitar på nye låtar, og legg også til at ho gler seg stort til kome nærare folk, stadar og hus igjen!